სულიერი მუსიკა

Created Updated

მდუმარება – ყველაფრის წყაროა. ის მუსიკის წყაროცაა, ის თავად მუსიკაა.

– შრი ჩინმოი

მუსიკა მედიტაციისთვის, შრი ჩინმოი, ფლეიტა
მოუსმინეთ სულიერი მუსიკის ნიმუშებს:

მუსიკა მედიტაციისათვის,  ბაჯანები, სულირი მღერა, new age, კლასიკური ჩრდილოეთ-ინდური სტილი

სულიერი მუსიკის ზეგავლენა მატერიაზე. შრი ჩინმოის ფლეიტის სამედიტაციო მუსიკის საოცარი ზემოქმედება წყალზე: ქაოსის გარდაქმნა ბუნების უმაღლეს ჰარმონიაში.
ფლეიტის მოსმენა აქ >>>
ნახატის გადიდება PDF >>>
მუსიკა მედიტაციისთვის და იოგის პრაქტიკისთვის

აქ შეგიძლიათ მოუსმინოთ მუსიკას, რომელიც დაგეხმარებათ მედიტაციის და იოგის პრაქტიკაში და ასევე შეგიძლიათ გადმოწეროთ ის…

 

 
მოუსმინეთ შრი ჩინმოის სამედიტაციო მუსიკის კომპოზიციებს ფლეიტაზე, ესრაჟზე, ორგანზე, როიალზე და სხვა ეგზოტიკურ ინსტრუმენტებზე. ეს მუსიკა შექმნილია ძალიან მაღალ ცნობიერებაში ყოფნის დროს და ასევე დაგეხმარებათ თქვენს სამედიტაციო პრაქტიკაში

მუსიკა და მედიტაცია: ბგერა და მდუმარება

მუსიკა ღვთის შინაგანი ან უნივერსალური ენაა. მე არ ვლაპაროკობ ფრანგულად, ან გერმანულად, ან იტალიურად, მაგრათ თუ რომელიმე ამ ქვეყნის მუსიკა ჟღერს, მაშინვე მუსიკის გული ჩემს გულში შემოდის, ან ჩემი გული მუსიკაში შედის. იმ დროს არ არის საჭირო არანაირი გარე ურთიერთობა; გულის შიდა კავშირი საკმარისია. ჩემი გული ურთიერთობს მუსიკის გულთან, და ჩვენს ურთიერთობაში ვხდებით განუყოფლად ერთნი.

შეუძლებელია მუსიკის და მედიტაციის გაყოფა. როდესაც ჩვენი გულის სიღრმეებიდან შევძახებთ სიმშვიდისათვის, სინათლისათვის და ნეტარებისათვის, ეს მედიტაციის საუკეთესო ტიპია. მედიტაციის შემდეგ მოდის მუსიკა, სულით სავსე მუსიკა, რომელიც აღვიძებს და ამაღლებს ჩვენს მისწრაფებულ ცნობიერებას. ჩვენ არ შეგვიძლია მედიტირება ოცდაოთხი საათის განმავლობაში. ჩვენ შეგვიძლია მედიტირება, შესაძლოა, მხოლოდ ორი საათი დღეში. სხვა დროს ჩვენ შეგვიძლია მუსიკის შესრულება ან მოსმენა. როდესაც ჩვენ ვასრულებთ ან ვუსმენთ სულით სავსე მუსიკას, სულიერ მუსიკას, ჩვენ დაუყოვნრბლივ გადავდივართ ცნობიერების უმაღლეს სფეროში. როდესაც გასულიერებულად ვასრულებთ მუსიკას ჩვენ ავდივართ მაღლა, უფრო მაღლა, ყველაზე მაღლა.

ყოველთვის როდესაც სრულდება სულიერი მუსიკა, ჩვენ შთაგონებას და აღტაცებას ვიღებთ. თვალის დახამხამებაზე მუსიკას შეუძლია აამღლოს ჩვენი ცნობიერება. თუ ამასთან ერთად ჩვენ ვლოცულობთ და ვმედიტირებთ, მაშინ ჩვენ უთუოდ უფრო გასხივოსნებულები და ასრულებულები ვართ, ვიდრე მუსიკის მოყვარული, რომელიც შეგნებულად არ მიყვება სულიერ ცხოვრებას. ყოველი სულიერი მუსიკოსი შეგებულად ავრცელებს ღვთის სინათლეს დედამიწაზე. ღმერთი კოსმიური შემსრულებელია. მარადი შემსრულებელი, ჩვენ კი მისი ინსტრუმენტები ვართ. მაგრამ ჩვენი ევოლუციის პროცესში დგება დრო, როდესაც ვგრძნობთ, რომ მასთან სრულიად ერთი გავხდით. ამ დროს ჩვენ აღარ ვართ ინსტრუმენტები, ჩვენ თავად მუსიკოსები ვართ, ღვთაებრივი მუსიკოსები. უზენაესია – ის ვინც ჰქმნის შესაბამის ინსტრუმენტს. და ის შთააგონებს შემსრულებელს კარგ შესრულებაზე.

მოდით, ნუ შევეცდებით მუსიკის გონებით გაგებას. მოდით, ნურც ჩვენი გულით შეგრძნებას შევეცდებით. მოდით უბრალოდ და ბუნებრივად მივცემთ ჩიტს-მუსიკას ნებას იფრინოს ჩვენს ცაში-გულში. ფრენაში ის აუცილებლად გაგვიმხელს იმას, რასაც ფლობს, და იმას რასაც წარმოადგენს. ის, რასაც ფლობს, – ეს უკვდავების გზავნილია. ის, რასაც წარმოადგენს, – ეს მარადისობის ნაკადია.

შრი ჩინმოის წიგნიდან “ღმერთი – უზენაესი მუსიკოსი”

როდესაც ჩვენ მანტრას ვიმეორებთ, ჩვენ ვიღებთ გარკვეულ შედეგს. მაგრამ როდესაც ვმედიტირებთ, ჩვენ შევდივართ სიმშვიდის, სინათლის და ნეტარების უსაზღვრო სივრცეში.

– შრი ჩინმოი

ვიტალური და სულიერი მუსიკა

ღმერთმა შექმნა სამყარო; სამყარო მოდის ღმერთისგან. ღმერთი ყოველთვის ინარჩუნებს მსოფლიოს მისი შინაგანი მუსიკით. მაგრამ მისი შინაგანი მუსიკა, მისი ტრანსცენდენტალური მუსიკა, სამწუხაროდ არ არის იგივე მუსიკა რომელსაც დღეს ვუსმენთ.

ღმერთი უზენაესი მუსიკოსია. ის მუსიკა, რომელიც ღმერთმა თავდაპირველად შექმნა – სულის მუსიკაა. ის უკრავდა სულისთვის, და სულს სურდა ღმერთისთვის დაეკრა. ამ სულიდან მუსიკას სურდა გამოევლინა და აღესრულებინა საკუთარი თავი გულის მეშვეობით. მაგრამ აქ პრობლემა წარმოიშვა. როდესაც სულმა გულში დაიწყო თავისი მუსიკის დაკვრა, ქვედა ვიტალმა და ეჭვიანმა გონებამ არ აძლევდნენ გულს მოსმენის საშუალებას. მერე თანდათანობით ვიტალი სუფთა გულზე უფრო ძლიერი გახდა.

ვიტალური მუსიკა ანადგურებს ჩვენს ნატიფ ნერვებს. მშიერი ვეფხვივით მას სურს ხარბად შთანთქოს გულის ღვთაებრივი თვისებები. აქ დედამიწაზე, როცა მუსიკაზე ვფიქრობთ, ვიტალი დაუყოვნებლივ გამოდის წინა პლანზე. მსოფლიოს ვიტალი საკმაო ხანია წინა პლანზე იყო. მაგრამ ქვედა ვიტალის მუსიკა ყოველთვის არ იმეფებს დედამიწაზე. მსოფლიოს ასევე აქვს სული. საბოლოოდ სულის მუსიკა ჩაანაცვლებს ვიტალურ მუსიკას. დღეს ვიტალი ნაჭამია, სული კი მშიერია. მაგრამ, როდესაც დედამიწაზე უფრო მეტი მისწრაფების მქონე ადამიანი იქნება, ვიდრე მისწრაფების არ მქონე ადამიანი, რასაკვირველია სულის ასამაღლებელი მუსიკა შეცვლის უსუფთაო, გაუნათლებელი და ბნელი ვიტალი მუსიკას.

ეხლა შესაძლოა მოგვეჩვენოს, რომ მსოფლიო დიდად არ აფასეს სულიერ მუსიკას, მაგრამ თუ ჩვენ შექმნას ვაგრძელებთ, ერთ დღეს ადამიანები დააფასებენ მუსიკას სულიერი თვალსაზრისით. შინაგანად მსოფლიოს სურს პროგრესი. გარეგანად მსოფლიოს უნდა რამე ახალი. ის, რაც მარადია, – გარეგანად ახალია. ვიტალურ პლანზე და ფსიქიურ სამყაროში მარადიული ყოველთვის ახლად ჩანს. მაგრამ შინაგან პლანზე ასე არ არის, არაფერია ახალი სულის სამყაროში. თუ ჩვენ ორჯერ ვხედავთ რამეს ფსიქიურ სამყაროში, ჩვენ შეიძლება ვიფიქროთ, რომ ის ყოველ ჯერზე სხვადასხვაა. თუ ჩვენ საკუთარ მაჯის საათს ვხედავთ დილით და კვლავ საღამოს, და თუ ჩვენ ყოველ ჯერ სხვადასხვა ცნობიერებაში ვართ, ჩვენ ვიგრძნობთ, რომ ეს სრულიად სხვადასხვა საათია. მაგრამ შინაგან სამყაროში ასე არ ხდება.

ჩვენ ყველანი ვიცით გარეგანი მუსიკა; გარეგანი მუსიკა ძალიან ხშირად დამანგრეველია. მაგრამ შინაგანი მუსიკა მზადაა ააღელვოს და აამაღლოს სული. ღვთის რეალიზაციისათვის შინაგანი მუსიკა ძალიან მნიშვნელოვანია. და ასევე, თუ გარეგანი მუსიკა ღვთისმოსავი მუსიკაა, თუ ის ესეთი მუსიკაა, რომელიც აამაღლებს მუსიკოსის ცნობიერებას და ავრცელებს სუფთა, შეურეველ სიხარულს, ესეთი მუსიკა ასევე ასრულებს მნიშვნელოვან როლს.

შენაგანი მუსიკის მოსმენა და შექმნა ადამიანს შეუძლია, როდესაც ის მედიტირებს. ათასობით და მილიონობით ჯერ ცამეტი თუ თოთხმეტი წლის ასაკში, მე ვუსმენდი კოსმიურ ღმერთებს და ქალღმერთებს, როდესაც ისინი უკრავდნენ მუსიკას. ჩვემ შეგვიძლია ვისმენდეთ შიდა მუსიკა მისწრაფების მეშვეობით. რა არის შინაგანი მუსიკა? ჩვენ ვიცით ვედებიდან, რომ ეს მუსიკა კაცობრიობის მშობლიური ენაა, სულის ენაა. ამ მუსიკის მეშვეობით ღვთაებრივი ჩვენში შესაძლებლობას იღებს გამოავლინოს საკუთარი თავი აქ დედამიწაზე.

შრი ჩინმოის წიგნიიდან “ღმერთი – უზენაესი მუსიკოსი”

გონება და გრძნობა

 

ჩვენი გრძნობები მშფოთვარეა. ამიტომ ჩვენი გონება წვალობს. ჩვენი გონება სავსეა ეჭვებით. ამიტომაც ჩვენი გრძნობები იტანჯებიან. გონებას არ შეუძლია მოთოკოს ან აღზარდოს გრძნობნები. და აქ მის დასახმარებლად მოდის მუსიკა. მუსიკის დახმარებით გონება თოკავს და ასაზრდოვებს გრძნობებს და აქცევს მათ სრულყოფილ ინსტრუმენტებად, რომლებსაც შეუძლიათ სიმშვიდით, სინათლით და ნეტარებით აივსონ უმარლესიდან.

მეორეს მხრივ, როდესაც გონება ეჭვებითაა სავსე, როდესაც გონება ტკბება შხამით-ეჭვით, გრძნობებს არ შეუძლიათ რწმენა შეჰმატონ გონებას. და აქაც დასახმარებლად მოდის მუსიკა. გრძნობები მუსიკისაგან დახმარებას იღებენ საკუთარი თავის გარდაქმნისათვის და გასხივოსნებისათვის. როდესაც გრძნობები მშვიდად და ჩემად არიან, ეჭვიანი გონება სრულიად გარდაიქმნება და ხდედა გულთან განუყოფლად ერთი – თავად ამთვისებლობა. ამ დროს ჩვენ შინაგან პილოტს – უზენაეს მუსიკოს – შეუძლია ნეტარად, ძლევამოსილად და უსაზღვროდ გამოავლინოს საკუთარი თავი. რადგანაც ის ავლენს საკუთარ თავს ჩვენში და ჩვენს საშუალებით, ღვთაებრივი მუსიკა ჩვენი არსების განუყოფელი ნაწილი ხდება და ჩვენ გადავიქცევით სრულქმნილ სრულყოფილებად. უზენაესი მუსიკოსი ჩვენში და ჩვენს გავლით ახალ სამყაროს ქმნის. ჩვენ ვიქცევით ღვთიურ მუსიკად, და ჩვენში და ჩვენს გავლით ვლინდება ღვთის ტრანსცენდენტალური რეალობის ახალი ხილვა.

შრი ჩინმოის წიგნიდან “მუსიკის წყარო”

 

ბმულები:

შრი ჩინმოის რადიო < შრი ჩინმოის მუსიკა ონ-ლაინ

შრი ჩინმოის სამედიტაციო მუსიკა, სიმღერები, მანტრები, ჰარმონიის კონცერტები..

სხვადასხვა მუსიკალური ჯგუფების ალბომები…
მუსიკა რელაქსაციისათვის, მედიტაციისათვის და იოგის პრაქტიკისათვის…

მუსიკა სულისთვის
სხვადასხვა მუსიკალური ჯგუფების ამაღლებული და ლამაზი კომპოზიციები…

არანჟირებები
შრი ჩინმოის სიმღერების არანჟირებები სხვადასხვა მუსიკოსების შესრულებით…

 

ზევით >>>

მთავარ ვერდზე >>>